Вераснёўскае паседжанне літаратурнага клуба “Выток” было прысвечана 95-годдзю з дня нараджэння беларускага пісьменніка-земляка Артура Вольскага. 

У пачатку мерапрыемства кіраўнік клуба Наталля Лебядзеўская пазнаёміла прысутных з біяграфічнымі звесткамі пісьменніка.

Пасля чаго адбыўся майстар-класс мастацкага чытання. Паэт Аляксандр Фінкер прачытаў свой пераклад верша Артура Вольскага “Паланянка” у музычным суправаджэнні.

У 2019 годзе свой літаратурны скарб папоўнілі Людміла Круглік, Антон Анісовіч і Андрэй Акімаў. Падчас сустрэчы для удзельнікаў клуба з задавальненнем яны правялі міні-прэзентацыю ўласных асобнікаў.

Заўсёды жаданыя госці на ўсіх паседжаннях клуба тыя, хто яго наведвае ўпершыню. У гэты раз гэта былі Занеўская Алла Мечыславаўна і Крыловіч Ніна Цімафееўна.

Добры настрой і шчырыя эмоцыі панавалі сярод паэтаў, а іх вершы з’явіліся магчымасцю ўпэўніцца ў тым, што “Выток” – гэта клуб аднадумцаў!