На пляцоўцы каля бібліятэкі ў суботу ладзілася імпрэза "Аб той зямлі, дзе нарадзіўся і жывеш", прысвечаная Дню народнага адзінства. Прыхільнікі прыгожага пісьменства, моладзь прыйшлі на сустрэчу з паэтамі-землякамі Людмілай Круглік і Антонам Анісовічам. Творчасць нашых паэтаў аб'ядноўвае тэма любові да Радзімы - мірнай, прыгожай, незалежнай. Іх вершы прасякнуты гонарам за нашу багатую культурную і духоўную спадчыну, традыцыі, клопатам аб захаванні яе непаўторнай гісторыі, прыгажосці прыроды, дасягненняў, еднасці людзей, дбаючых, аб працвітанні нашай краіны.