Разам з першым вясновым цяплом надыходзіць цудоўнае  свята – 8 Сакавіка,  Міжнародны жаночы дзень.  У Баравікоўскую інтэграваную бібліятэку на  літаратурную  гасцёўню “Мы жадаем шчасця вам…”  завіталі жаданыя госці – члены літаратурнага клуба “Выток”: Наталля Лебядзеўская, Антон Анісовіч,  члены Саюза пісьменнікаў Беларусі Людміла Круглік і Рэгіна Рэўтовіч. Не засталіся ў баку і мясцовыя “вытокаўцы” -  Аляксандр Нядзвецкі і Васіль Семянюк. Свята пачалося з віншавання на малдаўскай мове. Васіль Семянюк павіншаваў усіх са святам мэрцішор і прачытаў свае вершы, прысвечаныя жанчынам, вёсцы Баравікі, якая стала для яго другой радзімай.  На працягу свята гучалі вершы на беларускай і рускай  мовах  у аўтарскім выкананні паэтаў. Свае вершы прысутным падаравала настаўніца беларускай мовы і літаратуры  ДУА “Баравікоўская базавая школа Дзяржынскага раёна” Ала Мечыславаўна Занеўская. Госці  адказалі на пытанні ўдзельнікаў мерапрыемства  і пажадалі ўсім жанчынам прыгажосці, кахання і шчасця.