Лебядзеўская Наталля Іванаўна

Лебядзеўская Наталля Іванаўна нарадзілася 16 лютага 1976 года ў горадзе Белаазёрску Брэсцкай вобласці. З 1998 года жыве ў Дзяржынску.

Вышэйшую тэхнічную адукацыю атрымала ў Беларускай Дзяржаўнай палітэхнічнай акадэміі. Шмат год працавала інжэнерам у жыллёва-камунальнай гаспадарцы.

Паэзіяй захапляецца з 5 класа школы. Нарэшце, у 2013 г. прадставілася магчымасць літаральна жыць вершаванымі радкамі: Наталля працуе ў Дзяржынскай цэнтральнай раённай бібліятэцы і з'яўляецца кіраўніком народнага літаратурнага клуба «Выток».

Тэмы вершаў знаходзіць у жыццёвых сітуацыях. Лічыць для сябе галоўным звярнуць увагу чытача на ўнутраны сусвет чалавека, даць яму магчымасць прыслухацца да сваёй душы. З задавальненнем імкнецца вершаванымі радкамі падарыць чытачам радасць, натхніць іх на добрыя думкі і справы, запэўніць кожнага, што вакол шмат падстаў, каб лічыць сябе шчаслівымі.

Жыццёвае крэда: “Счастье – это свойство характера. У одних в характере его все время ждать, у других – непрерывно искать, у третьих – повсюду находить. Будь счастлив в этот миг, ведь этот миг и есть твоя жизнь.”