Да 85-годдзя беларускага пісьменніка Уладзіміра Ліпскага ў філіяле “Скірмантаўская сельская бібліятэка” адбылася літаратурная гадзіна “Смешны перапынак з Уладзімірам Ліпскім”.

Для чытачоў філіяла “Грычынская сельская бібліятэка-клуб” была падрыхтавана выстава-агляд “Дзень добры, кніжка беларуская!”, на якой былі прадстаўлены творы беларускіх пісьменнікаў, як сучасных, так і тых, хто займаўся літаратурнай дзейнасцю ў мінулых стагоддзях.

Сёлета адзначаецца 80 гадоў з Дня Перамогі ў вайне з фашысцкай Германіяй і 80 гадоў тэма Вялікай Айчыннай вайны не пакідае абыякавымі пісьменнікаў і паэтаў. Подзвіг нашых бацькоў і дзядоў зноў і зноў ажывае на старонках кніг. Кожны твор – гэта паклон пакаленню пераможцаў.

Кожная гаспадыня імкнецца зрабіць свой дом утульным і прыгожым, а напярэдадні вялікіх святаў – асабліва. Члены клуба “Сударушка” сустрэліся сёння ў бібліятэцы каб абмяняцца ідэямі святочных упрыгожанняў. У час гутаркі звярнуліся да прыкмет і традыцый святкавання Вялікадня. Прысутныя дзяліліся сакрэтамі і рэцэптамі выпякання булак, фарбавання яек. Увесь час ўдзельніцы клуба не давалі рукам “стомы”. Кожная хвалілася сваімі вырабамі і дэманстравала свае ўменні. На сустрэчы панаваў добры настрой і душэўная атмасфера.

У беларусаў ёсць свае нацыянальныя прыродныя сімвалы – гэта белавежскі зубр, белы бусел, васілёк, сасна, лён. У гэтых сімвалах адбілася душа народа, яго любоў да роднай краіны, гонар за сваю Айчыну.

Для ўдзельнікаў літаратурна-мастацкага клуба “Папялушка” філіяла “Грычынская сельская бібліятэка-клуб” прайшла хвілінка вясёлага чытання “Беларуская казка – розуму падказка”.

5 красавіка вучні 5 “А” і 5 “Б” класаў ДУА “Фаніпальская школа №1” наведалі філіял “Чаркаская сельская бібліятэка”, дзе адбылося мерапрыемства пад назвай “Я – грамадзянін сваёй краіны”. Яго мэтай было ўзмацненне патрыятызму і свядомасці моладзі ў адносінах да нацыянальнай культуры і гісторыі. Бібліятэкар сустрэла вучняў цёплай атмасферай і разнастайнымі экспазіцыямі, прысвечанымі гісторыі і традыцыям нашай краіны. Яна правяла экскурсію па бібліятэцы, пазнаёміла з навінкамі літаратуры для падлеткаў. Падчас мерапрыемства дзеці мелі магчымасць паразмаўляць па-беларуску, прайсці інтэрактыўны квэст, пагуляць у разнастайныя гульні. За салодкім сталом вучні з задавальненнем удзельнічалі ў вясёлых конкурсах, паказвалі нумары мастацкай самадзейнасці. У канцы мерапрыемства класныя кіраўнікі выказалі падзяку бібліятэкару за арганізацыю мерапрыемства.

Чарговая сустрэча паэтаў народнага калектыву паэтаў і празаікаў “Выток” у чытальнай зале Дзяржынскай раённай цэнтральнай бібліятэкі пачалася знаёмствам з кіраўніком узорнага тэтра-студыі Дзяржынскага РЦКіНТ Марынай Цімчук, якая ўсім жадаючым дала карысныя парады па мастацкаму чытанню вершаў.

У рамках Тыдня дзіцячай і юнацкай кнігі ў філіяле “Энергетыкаўская сельская бібліятэка” адбылася сустрэча дзяцей школьнага аздараўленчага лагера. Казачная гасцёўня была прысвечана П.П.Яршову і яго адзінаму твору “Канёк-Гарбунок”. Прысутных пазнаёмілі з біяграфіяй пісьменніка і гісторыяй стварэння казкі. Уважлівасць вучняў пацвердзіла тэставае апытанне “Выбяры правільны адказ”. Па змесце казкі праводзіліся наступныя конкурсы: “Гавары, ды праўду толькі”, “Замак герояў”, “Казачны слоўнік”, “Хітрыя пытанні”, “Чые гэта словы” , “Казачная арыфметыка” і “Загадкі Канька-Гарбунка”. Усе ўдзельнікі паказалі дастатковы ўзровень чытацкіх ведаў. Многія з іх узялі любімыя кніжкі для чытання дома.

У кожным узросце – свой Андарсан. Для маленькіх чытачоў гэта “Дзікія лебедзі”, “Агніва”, “Русалачка”. З маленькімі гасцямі філіяла “Энергетыкаўская сельская бібліятэка” было арганізавана чытанне казкі па асобах “Русалачка”. Дзеці параўноўвалі твор з мультфільмам. У час аналізу казкі зрабілі наступныя вывады: Русалачка – добрая , чулая, з вялікім сэрцам. Казка вучыць не толькі дзяцей, але і дарослых быць уважлівымі да чужога гора, умець прыйсці на дапамогу, умець дараваць, не зайздросціць. Той, хто па сапраўднаму кахае, ніколі не зробіць дрэнна каханаму. На мерапрыемстве прысутныя даведаліся значэнне слоў “аптымізм” і “песімізм”. Таксама ўдзельнікі прыдумвалі свой варыянт канцоўкі гэтай казкі.